Halaman

GMOYZSTUDIO

Isnin, 27 Februari 2012

LUOHE HATI GHATYAT KLATE



Sedih bilo pemimpin sdighi ghoyat negeghi ambo nih negeghi paling miskin di Malaysia. Sapo2 hok dok Klate mesti naek angin termasok kawe sdighi. Tau la nok provoke ghatyat Klate sughuh undi parti demo. Tapi bilo demo ghoyat belah tuh gak, kawe hok tok bghapo suko demo, jadi koho beci. Demo sedak lah kecek pok peng, pok peng, awo Klate dipghintoh pembangke demo sedak2 mulot jah nyo gi behe negeghi kawe paling miskin kat Malaysia.

Boh,
Slamo kawe dok Klate, kawe tok traso aura kemiskine hok demo maksudke tuh. Demo kecek maen bedal jah. Kawe ghaso demo kecek ikut prasae buke ikut fakta. Hok tuh kawe bghaso pelek tuh, bakpo demo buleh terpilih jadi pemimpin. Sepatutnya pemimpin nih berjiwo ghatyat tok kiro lah ghatyat tuh sokong parti gapo pun.

Boh,
Kawe suko demo wat pembangunan sinih, wat developement sano.
Kawe suko demo gi tepat2 rakyat susoh denge membawok bantue ko pok2 dio.
Kawe suko bilo demo wat kebajike.
Tapi bilo demo pilih kasih kawe tok brapo nok suko. Sebab, sikap demo tuh buleh wat ghatyat keno tindih.


Boh,
Mungkin sebab gaji demo besar.
Mungkin sebab demo tok beso paka keto kancil, keto dutson woh ulu.
Mungkin sebab demo tok brehi make nasi dale bukuh sughat kaba.
Mungkin sebab demo tok rajin tido atas lata pape rumoh kayu.
Mungkin sebab demo tlajok sene, sapa tok ingat lagu mano braso susoh.


Boh,
Kawe tok tahu lah demo tok puah ati gapo nge negeghi Klate nih. Setahu kawe, dale Malaysia nih takdop eh negeghi maju nge tok maju, hok kawe tahu Malaysia nih negagho membangun. Jadi, pado pendapat kawe lah, negeghi-negeghi kat Malaysia nih adalah negeghi2 membangun blako.

Sekie sajo lah stakat nih luohe hati kawe, kawe takdok niat nok sakitke hati sapo2, tapi hok kawe buleh ghoyat, demo jange dok jolok saghe tebue, namoke tok pasal2 kene nyengat.

1 ulasan: